أدروب عندو محل سلات في السوق العربي ناس المحليه كرهو العيشه بالكشات، والسوق نايم معاهو
واحد جبهجي قال ليهو : لو داير الكشه تختاك أحسن تغير يافطتك دي ليافطه فيها اشاره للمشروع الحضاري وكده
تاني يوم أدروب غير اليافطه وكتب فيها:
( السلات خير من النوم)😂😂
واحد قاعد يكورك فی الشارع "حكومه حراميه واولاد كلب ، حراميه واولاد كلب"...
لم فيهو عسكري قال لي تمشي معاي القسم ....
الراجل قال ليهو : يا سعادتك انا هسي امكن ما قاصد الحكومه دي احتمال قاصد حكومة اﻷحزاب او حكومة عبود او حكومة نميري .
العسكري قاليهو : يازول انا صول شغال لي اربعين سنة ... حكومة حرامية واولاد كلب غير دي مافي ... ارح قدامي .😂😂😂😂😂😂😂😂😂
راجل ومرتو سافروا باريس وهم حايمين كدا فى الشانزليزيه المرا جاتها مكالمة من السودان .. بعد ما قفلت الخط إتلفتت على راجلها قالت ليهو احييييييي ناس بيتنا بختهم طلعوا رحلة جبل أولياء ...
😂😂😂😂😂😂
اسماء البنات اليومين ديل:
لارا عوض الجيد
دان البلولة عشميق
مايا عجب الدور محيميد
جمانة شالو السيل المكوجن
هايدي بله ود عوج الدرب
سما البلولة حجير الطيب
يارا السميح ود حق الشيب
لين قسم السيد فرج الله
رهف الضو كرتوب
عندما تختلط قسوة الماضي مع دلع الحاضر ينتج ملاح ويكة بالفراولة
😂😂😂😂😂😂😂
واحد بيشتري خضار لقي الطماطم غالية، قال الله ينتقم منك يا عباس غليت معيشتنا!!
كان وراهو بتاع أمن مراقبو..
مشي الفرن لقي سعر العيش زاد قال الله ينتقم منك ياعباس غليت معيشتنا!!
مشي الجزارة وبتاع اﻷمن متابعو، لقي سعر اللحمة في السماء قال الله ينتقم منك ياعباس غليت معيشتنا!!بتاع اﻷمن قبضو وداه مكاتب الامن.. الضابط سأله:ده مالو كمان؟ قال ليه : والله سعادتك دة مصيبتو كبيرة خلاص.. ده اسم الرئيس ما عارفو!!
😂😂😂
ليست هناك تعليقات:
إرسال تعليق